Forslag til vedtak

Nn kommunestyre/heradsstyre ber kommunedirektør/rådmann signere avtale om digitaliseringssamarbeidet DigiVestland, med Bergen kommune som vertskapskommune etter kommunelova kapittel 20. 

 

Forslag til bakgrunn eller innleiing i sakspapir

Oppsummering

Bergen bystyre vedtok 30. januar å invitere kommunane i Vestland til samarbeid om digitaliseringsnettverket DigiVestland, med Bergen kommune som vertskommune. 

Bakgrunn

KS har etablert ein samstyringsstruktur for digitaliseringsarbeidet i kommunane. Regionale digitaliseringsnettverk skal sørge for regional koordinering, forankring og prioritering av digitaliseringsarbeidet. 

Diginettverkene skal bidra til koordinering på tvers av kommunane og arbeida mot felles mål som KS har sett for diginettverka:

  • Styrke kapasitet og kompetanse 
  • Bidra til utbreiing av digitale fellesløysingar og gevinstrealisering 
  • Spille inn nye behov og mobilisere ressursar inn i nasjonalt arbeid 

Det finst digitaliseringsnettverk i kvart fylke. Desse er styrt og eigd av medlemskommunane, skal representere kommunane i arbeidsgrupper i den nasjonale samstyringsstrukturen, og støtte kommunane i det lokale digitaliseringsarbeidet. 

Diginettverka er bygd opp etter modell av digitaliseringsnettverket DigiHordaland, som ble gjort om til DigiVestland i 2020. Ved utgangen av avtaleperioden var 40 av 43 kommunar i Vestland medlem i DigiVestland. 

Samarbeidsavtalen gjekk ut i desember 2024, og kommunane har saman utarbeida grunnlaget for ny avtale. 

Om avtalen

Bergen kommune er vertskommune for eit administrativt vertskommunesamarbeid etter kommunelova kapittel 20. Det blir ikkje etablert juridisk eining for samarbeidet. 

Kommunelova § 20-2, første ledd, avgrensar vedtaksmyndet til vertskommunen med ei delegasjonssperre. I saker av prinsipiell art kan ikkje vertskommunen fatte vedtak. Slike saker skal behandlast i kvar enkelt kommune. 

Lova set krav til at avtale om administrativt vertskommunesamarbeid bli inngått mellom vertskommunen, her Bergen kommune, og kvar enkelt part, som i denne avtalen er kvar kommune. Kommunane må difor vedta samarbeidet i sine respektive politiske organ for at avtalen skal vera gyldig.

Om samarbeidet

Som vertskommune skal Bergen kommune sørge for å oppfylle avtalen, forvalte midlar som kommunane betaler i deltakarbidrag, og drifte eit sekretariat med tilstrekkelege ressursar og rett kompetanse. 

Kommunane utgjer samarbeidet og bidrar til å oppfylle avtalen, med kommunedirektør/rådmann som forvaltar. To eller fleire kommunar kan velje å gå saman om å delta i møteplassar med éin felles representant, i møteplassar der representantane ikkje er oppnemnd. 

Styring av samarbeidet er ved start av avtaleperioden lagt tett opptil samstyringsstrukturen til KS på dette tidspunktet. 

  • Kommunedirektørmøtet er øvste organ og årsmøte for samarbeidet. Møtet består av kommunedirektør i kvar deltakande kommune, og set den strategiske retninga for samarbeidet. 
  • Styringsgruppa førebur saker til kommunedirektørmøtet, følger opp strategiske avgjersle og vedtek budsjett og portefølje. 

Kommunane skal fortløpande haldast underretta om vedtaka i styringsgruppa. 

Finansiering

Samarbeidet om DigiVestland blir i hovudsak finansiert av deltakarbidrag frå kommunane, og bidraget vertskommunen gir gjennom administrative tenester, kontorlokale og tilsette. Prosjekt blir finansiert gjennom tilskot. 

I perioden 01.01-31.07.25 når ny samarbeidsavtale blir behandla i kommunane, vil drifta av samarbeidet bli finansiert av ubrukte midlar frå tidlegare år. 

Ved oppstart av avtale vil deltakarbidraget vera:

Grunnbeløp:                  kr 48 000

Beløp per innbyggjar:  kr 18

Maksimumsbeløp:       kr 550 000

Bidraget kan endrast etter vedtak i kommunedirektørmøtet for samarbeidet.