I desember sende sekretariatet ein førespurnad til alle kommunane om frikjøp av to rådgivarar til oppdraget. Fristen for å melda interesse var 17. januar. Fire kommunar og to IKT-samarbeid meldte si interesse: Øygarden, Kvinnherad, Alver, Sveio, IKT Nordhordland og SYSIKT.
Sekretariatet har no gjennomført samtaler med dei aktuelle kommunane/IKT-samarbeida for å bli betre kjent med rådgivarane og erfaringane deira. Samtalene har gitt sekretariatet eit godt grunnlag for å vurdera kven som skal frikjøpast til oppdraget. Sekretariatet har sendt ut tilbod til to rådgivarar.
Oppdraget til arbeidsgruppa
Oppdraget til arbeidsgruppa er å utvikla og gjennomføra ein prosess som sikrar representativitet og innverknad frå kommunane i det vidare arbeidet i faggruppa. Arbeidsoppgåvene inkluderer å setja seg inn i strategien for digital kompetanse og infrastruktur i barnehage og skule, og samtidig gjennomføra innsiktsarbeid og innspelsprosessar i kommunane for å definera DigiVestland oppveksts framtidige arbeid.
Engasjementet har eit omfang på ca. éin dag i veka over ein periode på to månader, med oppstart rundt april.