Det har vore informert om strategien til kommunane, men vi ser at det i tillegg trengst dialog om kva ansvarsområde faggruppa skal prioritera på vegne av medlemskommunane. DigiVestland har derfor sett i gang eit arbeid for å gå gjennom strategien på nytt og avdekkja kva kommunane i Vestland har behov for at DigiVestland prioriterer vidare. Til dette arbeidet er det frikjøpt to rådgivarar frå oppvekstområdet i kommunar i DigiVestland.
Status per mai 2025
For å operasjonalisera den nasjonale strategien og prioritera framtidige arbeidsområde for faggruppe oppvekst, er det etablert ei lita arbeidsgruppe beståande av Kvinnherad kommune og IKT Nordhordland. Du kan lesa meir om arbeidet her.
Oppdraget til arbeidsgruppa er å utvikla og gjennomføra ein prosess som sikrar representativitet og innverknad frå kommunane i det vidare arbeidet i faggruppa. Arbeidsoppgåvene inkluderer å setja seg inn i strategien for digital kompetanse og infrastruktur i barnehage og skula, og samtidig gjennomføra innsiktsarbeid og innspelsprosessar i kommunane for å definera DigiVestland oppveksts framtidige arbeid.
Med utgangspunkt i digitaliseringsstrategien til oppvekstsektoren, har arbeidsgruppa utarbeidd ei spørjeundersøking som er send ut til alle kommunane i DigiVestland. Resultata frå undersøkinga vil danna grunnlaget for det vidare arbeidet til arbeidsgruppa med å utarbeida forslag til retning og tema som faggruppa for oppvekst skal fokusera på framover.