Ny versjon av KS Fiks skatt og inntekt - langtidsopphald på institusjon

Målet har vore å laga ei løysing som følgjer rettspraksis på området, men også med moglegheit for at du som behandlar kan gjera tilpassingar i samsvar med lokale retningslinjer. Arbeidet er gjort i samarbeid med jurist og ekspert på fagområdet, Åsmund Edvardsen i Trondheim kommune – og endringa har vore diskutert og gått gjennom med eit utval av kommunar. I prosessen har me også hatt vekevise dialogmøte med fagsystemleverandørane, for å sikra at dei er førebudde på endringane som no blir sette i verk.

Fleire kommunar bidrog til testing

Ny akseptansetest vart gjennomført denne veka, saman med mellom anna Bergen, Gjøvik, Nord-Aurdal, Sandnes, Alta og Harstad. Feil som vart avdekt ved første akseptansetest var retta og det var samlande semje om at løysinga er klar for produksjon. Løysinga vil bli forbetra og vidareutvikla framover.

Det er utarbeidd ein rettleiar du kan lasta ned her (PDF)

Fagsystem må tilpassast

Me minner om at for dei som har integrasjon mot fagsystem, så vil endringane bli tilgjengeleg først når leverandørane har fått gjort tilpassingane sine, og systema er oppgraderte i kvar enkelt kommune.

Integrasjonane vil fungera på gammal løysing ei god stund framover, så de vil ikkje mista tilgang til opplysningane.

Har du spørsmål? Ta kontakt med KS på fiks@ks.no