Helsedirektoratet definerer Pasientens legemiddelliste (PLL) som ei samla og oppdatert oversikt over relevante opplysingar om legemiddelbehandlinga av pasienten. Denne oversikta er tilgjengeleg på tvers av helsetenesta, og pasienten har tilgang til ein digital versjon på Helsenoreg.
Kvifor bør kommunen ta i bruk PLL?
I dag må helsepersonell henta informasjon om legemiddelbruken til pasienten frå ulike kjelder. Dette er tidkrevjande, og informasjonen kan vera utdatert eller mangelfull. Slike manglar kan føra til alvorlege konsekvensar som feilbehandling og unødvendige innleggingar.
PLL har som hovudmål å auka pasienttryggleiken ved å forhindra feilmedisinering og feilbehandling. Ei samla oversikt gir helsepersonell tilgang til nødvendig og oppdatert informasjon om legemidla til pasienten, same kor i helsetenesta dei er.
Ved å bruka PLL kan helsepersonell spara tid, då dei slepp å leita etter rett informasjon. Ei oppdatert oversikt sikrar òg betre samhandling og arbeidsflyt mellom fastlegar, sjukeheimar, heimetenesta og sjukehus.
Du finn samla informasjon om PLL på Helsedirektoratets nettsider.