Skildring
Fiks matrikkelføring er ein av standarane i Fiks protokoll. Matrikkelføring er ein standard for overføring av datagrunnlaget som skal førast i matrikkelen. Den er laga for at eit eByggesakssystem skal overføra matrikkeldata til ein matrikkelklient. Fiks matrikkelføring kan òg brukast av andre system som ønskjer å føra data til ein matrikkelklient.
Standarden er laga for at det i framtida òg kan automatisk førast i matrikkelen, viss det er tilstrekkeleg data og med tilstrekkeleg kvalitet. Fiks matrikkelføring standarden er ferdigstilt og i produksjon hos fleire leverandørar.
Gevinstar
Effektiv samhandling
Fiks protokoll forenklar og standardiserer kommunikasjonen mellom ulike system i kommunane. Dette mogleggjer ei saumlaus og effektiv samhandling, noko som gir kommunane fridommen til å optimalisera arbeidsprosessane sine ved å kombinera system frå ulike leverandørar.
Fleksibilitet og kontroll
Fiks protokoll gir kommunane den nødvendige fleksibiliteten til å velja og kombinera system frå ulike leverandørar. Samtidig held dei oppe full kontroll over samhandlingsprosessane gjennom Fiks-konfigurasjonen, og dermed oppnår ein skreddarsydd og optimal integrasjon som passar dei unike behova deira.
Sikker datadeling
Gjennom asynkron meldingsutveksling og ende-til-ende kryptering sikrar Fiks protokoll ei trygg plattform for kommunane. Dette gir dei høve til å dela sensitiv informasjon på ein sikker måte, og skaper tillit i utvekslinga av viktige data mellom ulike system.
Kor mykje kostar løsysinga?
Fiks protokoll er finansiert med prosjektstøtte gjennom Digifin. Digifin er ei finansieringsordning for realisering av nasjonale digitaliseringsprosjekt i kommunesektoren. Kommunar og fylkeskommunar som er med i Digifin-ordninga, må betala ei prosjektavgift for å ta i bruk løysingane som blir utvikla med støtte frå ordninga. På den måten blir utviklingskostnadene fordelte på dei som tar løysingane i bruk, og pengar går tilbake til ordninga for gjennomføring av nye digitale fellesprosjekt.