KS digital utviklar og driftar fleire av fellesløysingane som skal supplera fagsystema som bekymringsmeldingsportalen, Min Kommune barnevern og chat. Dei jobbar også tett med med Bufdir om barnevernfagleg kvalitetssystem (BKF) og barnevernregister.
Kommunane treng støtte til innføring
Under konferansen i Bergen fekk KS Digital klare tilbakemeldingar frå kommunane om at det er behov for støtte til implementeringa av "Min kommune barnevern". Det vart også etterlyst ei felles plattform der kommunane får tilgang til malar og rettleiingsmateriell, og der dei samtidig kan dela erfaringar og stille spørsmål. På nettsida til KS Digital ligg det allereie både informasjon og rettleiingsmateriell utarbeidd i tett samarbeid med Trondheim og andre kommunar.
KS Digital har ei viktig koordinerande rolle
Deltakarane påpeika også behovet for betre koordinering mellom leverandørar, spesielt når integrasjonar skaper problem i fagsystemet. KS Digital kan spela ei viktig rolle i å fremja bruken av fellesløysingar, sikra nødvendige endringar og kvalitetssikra standardtekstar til barnevern. Dei skal også forsterka og få ein endå tydelegare koordinera rolle i samarbeid på tvers av fagleverandørar, kommunar, KS, digi-nettverk, IT-samarbeid og andre relevante samarbeidspartar som politi, NAV og fleire
Positive tilbakemeldingar frå deltakarane
Trass i utfordringar med ventilasjon og straumtilgang i lokalet, var tilbakemeldingane berre positive. Deltakarane fekk innfridd forventningane sine, og fleire tema for framtidige fagmøte vart identifiserte, inkluderte arkiv. Det vart også tydeleg at det må etablerast ein struktur som prioriterer behovet til barnevernstenesta i samstyringsstrukturen. Det er ønskjeleg at barnevern er vareteke på lik linje med helse, oppvekst og plan,bygg og geodata.
Tilsvarande samlingar er etterspurde i andre regionar
Konferansen fungerte som ein prøvekanin for å identifisera behov og vidare oppfølging. Alle innlegga vart godt mottekne, og det vart uttrykt ønske om fleire slike samlingar, både fysisk og digitalt. Det er allereie planlagd ei samling i Midt-Noreg. Kommunane understreka viktigheita av å eiga prosessane sjølv, men samtidig behovet for implementeringsstøtte for å sikra at alt fungerer som det skal.