Beskrivelse
KS har saman med Helsedirektoratet (HDIR) utvikla eit API som gjer det mogleg å henta informasjon om innreisande elektronisk frå HDIRS nasjonale kontrollsenter for innreise, til kommunen. Tenesta heiter Fiks innreise.
Fleire leverandørar (Fiks smittesporing (DHIS2), ReMin og Oslo kommune) arbeider med utvikling av funksjonalitet for innreiseoppfølging i kommunane. Fiks innreise saman med Fiks prøvesvar er sentrale komponentar i dette arbeidet. API-et er òg tilgjengeleg for kommunar som nyttar andre løysingar for innreiseoppfølging enn dei nemnde.
Kva må vere på plass før ein kan ta i bruk løysinga?
Kommunar som bruker Fiks smittesporing eller ReMin, må når leverandøren varslar at funksjonaliteten for Fiks innreise er tilgjengeleg:
- signera avtaler med KS:
Hovudavtale om løpande tenestekjøp (blir signert av rådmann eller kommunaldirektør og blir send til KS på e-post til fiksavtaler@ks.no)
- Tenestevedlegg for Fiks innreise. Den signerer de digitalt frå forvaltingssida til Fiks-plattforma ved å trykkja på “Ta i bruk” på tenesta i Tjenester oversikt. Merk at det føreset at kommunen allereie har signert hovudavtale med KS.
Kommunar som ikkje bruker Fiks smittesporing eller ReMin, men som ønskjer å bruka Fiks innreise, må:
- Ta kontakt med leverandør av løysinga og informera om tenesta Fiks innreise
- Stille krav til leverandøren om innlogging med Maskinporten. Informasjon finn dykk på https://ks-no.github.io/fiks-plattform/difiidportenklient/
- Signera avtaler med KS som skildra over